Екі қазақстандық қала QS Quacquarelli Symonds халықаралық агенттігінің зерттеуі нәтижесінде Орталық Азиядағы көшбасшылар қатарына енді.
Рейтинг қалаларды алты көрсеткіш бойынша бағалайды: университеттердің академиялық беделі, қаланың тартымдылығы, түлектердің жұмыс берушілер арасындағы сұранысы, оқу және тұрғын үй шығындары, студенттердің халықаралық әртүрлілігі және оқушылардың өз пікірлері. Тізімге QS World University Rankings 2027 рейтингіндегі университеттері бар 150 қала енді.
Алматының күшті жақтары
Алматыда QS World University Rankings 2027 рейтингісіне енген тоғыз университет жұмыс істейді. «Университеттердің рейтингтегі нәтижелері» көрсеткіші бойынша қала әлемде 50-орынды иеленді.
Білім беру қолжетімділігі
Оқу және тұрғын үй шығындары бойынша Астана әлемде 9-орынға, Алматы 24-орынға шықты. Бұл нәтижелер қазақстандық қалаларды шетелдік студенттер үшін ең қолжетімді қалалардың біріне айналдырады.
Екі қаланың да студенттік құрамның халықаралық әртүрлілігі көрсеткіші бойынша позициялары жақсарды. Бұл қазақстандық жоғары оқу орындарының басқа елдердің абитуриенттері үшін тартымдылығының артып келе жатқанын көрсетеді.