Республикалық еңбекті қорғау ғылыми-зерттеу институтының бас директоры Лязат Ақтаева елде қазір мұндай кепілдіктердің алты түрі қолданылатынын хабарлады. Олардың қатарында — қысқартылған жұмыс күні, қосымша демалыс, еңбек ақының жоғарылауы, міндетті кәсіптік зейнетақы жарналары, сондай-ақ сүтпен және емдік-профилактикалық тамақтанумен қамтамасыз ету бар.
2025 жылдың қорытындысы бойынша зиянды факторлардың әсерінде 477 мың адам еңбек етті. Соңғы бес жылда жұмыс берушілердің осы кепілдіктерге жұмсаған шығындары екі еседен астам өсті — 140,1 млрд-тан 310,9 млрд теңгеге дейін.
Тізімдерден тәуекелдерге
Қазір жеңілдіктер кәсіптер тізіміне байланысты. Мұндай тәсіл нақты жұмыс орнындағы нақты жағдайларды әрқашан көрсете бермейді және қолдаудың біркелкі бөлінбеуіне әкеледі. Министрлік кепілдіктер көлемі нақты кәсіптік тәуекел деңгейіне — төменнен өте жоғарыға дейін байланысты болатын бірыңғай модельге көшуді пысықтауда.
Реформаның басты элементтерінің бірі кәсіптер мен оларға байланысты кепілдіктердің Бірыңғай цифрлық тізілімі болмақ. Ол процестерді автоматтандыруы, шешімдердің ашықтығын арттыруы және көмекті мақсатты етуі тиіс.
Ұсыныстарды мемлекет, жұмыс берушілер және кәсіподақтар өкілдері қатысатын Республикалық үшжақты комиссияның жұмыс тобының қарауына беру жоспарлануда. Кеңес қорытындысы бойынша министр еңбекті қорғауды бақылауды күшейту және цифрландыруды жеделдету жөнінде тапсырма берді.