Қосшы әкімі Азамат Қапышев қаланың Астанаға қосылуы туралы тұрғындардың сұрағына жауап берді. Оның сөзінше, бұл шешім жергілікті биліктің өкілеттігіне жатпайды.
Ол Астанадан кірерде жол бойында жаңа тұрғын үй кешендері тұрғызылғанын және Ұлттық спорт университеті орналасқанын атап өтті. Болашақта Қосшы мен Астананы тек қаланың атауы жазылған тақта бөліп тұруы мүмкін.
Сонымен қатар әкім: қазіргі уақытта Қосшының Астанаға қосылу мәселесі қарастырылмайтынын атап өтті.
Бес жыл бұрын қалада 50 мың адам тұрған, қазір тұрғындардың нақты саны 120 мыңға жетті.
2021 жылғы 26 шілдеде Президенттің Жарлығымен Қосшы ауылы облыстық маңызы бар қала мәртебесін алды. Себебі халық санының тез өсуі және елді мекеннің Астананың серіктес қаласына айналуы болды.
2021 жылдан бастап Астана агломерациясы халқының саны 42%-ға жуық өсті.